Etsi eo Dei beneficio necdum deventum sit, attamen
sentiens ac manifeste cognoscens, se non quidem Serenis-
simæ suæ Conjugis, sed sui ipsius Causa, ut pote, ex procre-
andi defectu, et inhabilitate, iam tum detecta liberorum
spe de cætero frustatum iri, quin imo ipsa usque ex-
perientia ex varijs symptomatibus, quæ sibi subinde ab
aliquo hinc tempore accidere solent, iam aliquoties edoctus
se corpore adeo male affectum, ut sibi vel ab inopinata etiam
et improvisa morte maximopere verendum sit (quo casu
quis non videt totam Provinciam subitaneo quasi, ac re-
pentino quodam infortunio correptam, ubi eidem prius de
certo successore provisum non foret, usque deque inex-
pectato ferri deferrique posse) eapropter in priori
sua usque adhuc durans et consistens sententia de ce-
denda nimirum Provincia, ideoque cupiens et sum-
mopere desiderans promissis suis stare, simulque volens
rebus suis et patriæ optime ac⁸ tempestive quoque et quam-
primum prospectum et provisum iri, iam longe ante sta-
tuit, sæpedictam eiusmodi cessionem Sacratissimæ suæ
Cæsareæ Majestati facere, et in eam universam Pro-
vinciam suam cum omni suo jure, quod in ea, et super
eam quomodolibet habet aut habere potest, transferre. Quod
quidem etiam iam dudum atque adeo in ipso sta-
tim coepti sui consilij initio a se factum fuisset, dum-
modo sua quoque Sacratissima Cæsarea Majestas

 

 

 

 

---

8 Korrektur, urspr. et.